فيديو.. بكاء إنجي علي بعد سؤالها عن صديقتها: "حياتي اختلفت بعدها"
 |
| فيديو.. بكاء إنجي علي بعد سؤالها عن صديقتها: "حياتي اختلفت بعدها" |
بكت الإعلامية إنجي علي، بعد سؤالها عن وفاة صديقتها شيرين المفتي "نقدر نقول إن الحاجة الوحيدة اللي كسرت إنجي.. حياتي اختلفت بعدها، وكانت أختي من وإحنا صغيرين وكانت أم وبنت وصاحبة وزوجة كويسة".
وأضافت إنجي علي، خلال حوارها مع المخرجة إيناس الدغيدي، ببرنامج "شيخ الحارة"، المذاع على شاشة "القاهرة والناس"، "كنت بعتمد عليها في حاجات كتير، ووفاتها لخبطلي حياتي كانت صحبتي المفضلة، ومش عاوزة أتكلم في الموضوع ده".
تابعت إنجي، أن أصدقاء المدرسة هم أصدقائها حتى اليوم، "كنا على طول مع بعض، والحادثة دي كانت كبيرة ومن وقت اللي حصل، وأنا مش على طبيعتي وبقولها وحشتيني أوي".
وأكدت إنجي، أنها على تواصل دائم مع والدة صديقتها الراحلة، وتطمئن عليها دائما وعلى ابنها، "هما عيلتي التانية وهي هتفضل موجودة في حياتي لحد ما أروحلها ونتقايل تاني".